Türkmen agyr atletikaçylary Peruwyň paýtagty Lima şäherinde tamamlanan ýetginjekleriň (U17) we ýaşlaryň arasynda geçirilen (U20) dünýä çempionatynda 12 medal gazandylar, bu ýerde baýrak ugrunda 77 ýurtdan gelen 531 türgen (265 gyz we 266 oglan) bäsleşdi.
Ýaryşa Türkmenistanyň toparyndan 7 türgen (ýaşlaryň ýaryşynda 4 oglan we ýetginjekler ýaryşynda 3 gyz) gatnaşdy, olaryň bäşisi ýurdumyza 2 altyn, 7 kümüş we 3 bürünç medal getirdiler.
Ildeşlerimiz dünýä birinjiliginiň galan on medalyny ýetginjekleriň arasynda geçirilen ýaryşda (17 ýaşa çenli) gazandylar.
Geçen ýyl Peruwyň paýtagty Lima şäherinde geçirilen ýetginjekler dünýä çempionatynda türkmen agyr atletikaçylary 7 medal (3 altyn, 1 kümüş we 3 bürünç), Leon (Ispaniýa) şäherinde geçirilen ýetginjekler dünýä çempionatynda bolsa 4 medal (3 altyn we 1 bürünç) gazanypdylar.