Russiýanyň Türkmenistandaky ilçihanasynyň resmi haýyşy esasynda 25-nji dekabrda Russiýanyň “S7” awiakompaniýasy Moskwa – Türkmenabat – Moskwa ugry boýunça uçuşyny amala aşyrar. Bu barada “orient.tm” habar berýär.
Habarda bellenilip geçilişi ýaly, bu uçar arkaly Türkmenistanyň keselleriň ýaýramagyna garşy göreşmek boýunça adatdan daşary topary tarapyndan döredilen düzgünlere laýyklykda, Russiýanyň Aşgabatdaky ilçihanasynyň işgärleri we olaryň maşgala agzalary Türkmenabat şäherine gelerler. Soňra şol uçar arkaly 175 adamy Russiýa giderler.
Olaryň arasynda wagtlaýynça Türkmenistanyň çäginde ýaşaýan, hemişelik ýaşamak üçin Russiýa gidýän we kanuna laýyklykda Russiýa Federasiýasyna göçmek hukugyny alan rus raýatlary bar.
Interaktiw sahypamyz- okyjylarymyzdan gelen habar we eserleriň ýerleşdirilýän sahypasy-sizden gelenler sahypasy siziň iberjek eserleriňize garaşýar!
