Ýurdumyzyň ýokary okuw mekdepleri soňky ýyllarda halkara sanawlarda hem öz ornuny tapyp başlady. Her ýyl ýurdumyzdan şeýle sanawa girýän ýokary okuw mekdepleriniň sany artýar. Türkmenistanyň şanly Garaşsyzlygynyň 32 ýyllygyny bellenilýän gününde, The Times Higher Education World University Rankings 2024 sanawy neşir edildi.
Bu sanawa dünýäniň 108 döwletinden 1904 ýokary okuw mekdebi girdi. Şonda ýurdumyzdan 9 sany ýokary okuw mekdebi sanawa “habarçy” derejesi bilen girdi. Türkmenistanyň Bilim ministrligi tarapyndan diplomy ykrar edilýän halkara ýokary okuw mekdepleriniň sanawy düzülende İThe Times Higher Education World University Rankings 2024İ maglumatnamasynyň esas alynýandygyny hasaba alyp, bu sanaw baradaky aýratyn habary saýtymyza ýerleşdireris.
Häzir bolsa, Size ýurdumyzyň halkara sanawa giren ýokary okuw mekdeplerini sanawyny ýetirýäris.
Döwletmämmet Azady adyndaky Türkmen milli dünýä dilleri instituty
Türkmenistanyň Inžener-tehniki we ulag kommunikasiýalary instituty
Halkara ynsanperwer ylymlary we ösüş uniwersiteti
Türkmenistanyň Daşary işler ministrliginiň Halkara gatnaşyklary instituty
Türkmenistanyň Oguz han adyndaky Inžener-tehnologiýalar uniwersiteti
Seýitnazar Seýdi adyndaky Türkmen döwlet mugallymçylyk instituty
Türkmenistanyň Döwlet energetika instituty
Türkmenistanyň Telekommunikasiýalar we informatika instituty
Türkmen döwlet binagärlik-gurluşyk instituty
