Türkmenistanyň Prezidentiniň gol çeken resminamasyna laýyklykda, Energetika ministrliginiň “Türkmenenergo” döwlet elektroenergetika korporasiýasyna Türkiýe Respublikasynyň «Çalik Enerji Sanayi we Ticaret A.Ş.» kompaniýasy bilen Balkan welaýatynyň Serdar etrabynda kuwwatlygy 10MWt köpugurly gün we ýel elektrik bekedini gurmak babatda şertnama baglaşmaga ygtyýar berildi.
“Watan” habarlar gepleşiginde bellenilip geçilişi ýaly, bu bekediň gurluşygyna 20222-nji ýylyň iýulynda başlap, 2024-nji ýylyň ýanwar aýynda ulanmaga doly edip tabşyrmak bellenildi.
Balkan welaýatynyň Serdar etrabynda, has takygy, «Altyn asyr» Türkmen kölüniň kenarynda gurulýan täze, döwrebap obanyň elektrik üpjünçiligi üçin kuwwatlylygy 10 megawat bolan Gün we ýel elektrik stansiýasy gaýtadan dikeldilýän energiýa çeşmelerinden peýdalanmak, «ýaşyl» ykdysadyýete geçmek babatda örän möhümdir.