Şu gün Türkmenistanyň Prezidenti sanly ulgam arkaly Ministrler Kabinetiniň nobatdaky mejlisini geçirdi. Onda käbir guramaçylyk meselelerine hem garaldy.
“Watan” habarlar gepleşiginde bellenilip geçilişi ýaly, Türkmenistanyň Prezidenti Batyr Niýazlyýewi başga işe geçmegi sebäpli Türkmenistanyň Russiýa Federasiýasyndaky, şol sanda Sloweniýa Respublikasynda, Serbiýa Respublikasyndaky we Bolgariýa Respublikasyndaky Adatdan daşary we Doly ygtyýarly ilçisi wezipelerinden boşatdy.
Türkmenistanyň Prezidenti ýurdumyzyň Russiýa Federasiýasyndaky Adatdan daşary we Doly ygtyýarly ilçisi ilçisi wezipesine Esen Aýdogdyýewi belläp, ony Halkara ynsanperwer ylymlary we ösüş uniwersitetiniň rektory wezipesinden boşatdy.
Esen Aýdogdyýew mundan ozal, Türkmenistanyň Awstriýa Respublikasyndaky we Şweýsariýadaky Adatdan daşary we Doly ygtyýarly ilçisi wezipelerinde işledi.
Şeýle hem ol Türkmenistanyň BMG-niň Ženewadaky ştab-kwartirasynda hemişelik wekili boldy.
Esen Aýdogdyýew 2014-nji ýylda Halkara ynsanperwer ylymlary we ösüş uniwersitetiniň rektory wezipesine bellenilipdi.