2025-nji ýylyň 5-nji iýulyndan 29-njy iýuly aralygynda Gruziýanyň Batumi şäherinde FIDE zenanlar dünýä küşt kubogy geçirilýär. Bu ýaryşa dünýäniň iň güýçli küştçisiniň 107-si gatnaşýar, olaryň arasynda taryhda ilkinji gezek Türkmenistanyň wekili gatnaşýar – milli zenanlar toparynyň 19 ýaşly lideri, zenanlaryň arasynda FIDE ussady Lola Şohradowa (FIDE reýting – 2135).
Lola Şohradowa 2024-nji ýylda geçirilen Budapeştde (Wengriýa) 45-nji Bütindünýä küşt olimpiadasynda Türkmenistanyň zenanlar toparynyň gazanan üstünliginiň netijesinde bu iri sport ýaryşyna gatnaşmak hukugyna eýe boldy, Wengriýada küştçilerimiz “C” kategoriýasynda birinji orny eýeledi.
Küşt ýaryşlarynyň köpüsinden tapawutlylykda Dünýä kubogy 7 tapgyrda dowam edýär. Her tapgyr iki sany oýundan ybarat (her göçüm üçin 40 + 30 sekuntdan 90 minut + 30 minut).
Birinji tapgyrda türkmen küştçüsiniň garşydaşy Hindistandan gelen halkara ussat we zenan grossmeýster Agrawal Wantika boldy.