Türkmenistanyň Ministrler Kabinetiniň Başlygynyň orunbasary, energetika ministri Çarymyrat Purçekow bilen Gyrgyz Respublikasynyň energetika we senagat ministri Doskul Bekmurzaýew türkmen elektrik energiýasyny Gyrgyzystana eksport etmek hakyndaky ylalaşyga gol çekdiler. Bu barada Gyrgyz Respublikasynyň Energetika we senagat ministrligi habar berýär.
Gol çekilen ylalaşyga laýyklykda, 2021-nji ýylyň awgust-dekabr aýlarynda Gyrgyzystana 501.9 million kilowatt/sagat türkmen elektrik energiýasy iberiler.
Şertnama laýyklykda, 9-njy awgusta çenli Özbegistanyň üsti bilen Gyrgyzystana 19,2 million kWt sagat türkmen elektrik energiýasy iberildi. Şeýle hem Gyrgyzystana türkmen gazyny ibermek boýunça hem gepleşikler geçirilýär.
Türkmenistanyň elektrik energiýasyny hem-de gazyny Gyrgyzystana ibermek babatda Türkmenistanyň Prezidenti bilen Gyrgyz Respublikasynyň Prezidentiniň arasynda Aşgabatda geçirilen ýokary derejedäki gepleşiklerde özara ylalaşyk gazanylypdy.