Işewürler geňeşi Türkmenistan bilen Ukrainanyň işewürler düzümini birleşdirýän esasy düzüm bolup hyzmat eder. Bu geňeşiň döredilmegi babatda Türkmenistanyň daşary işler ministri Raşid Meredow bilen Ukrainanyň daşary işler ministri Dmitriý Kulebanyň arasynda geçirilen telefon sohbetdeşliginde ara alnyp maslahatlaşyldy. Bu barada Ukrainanyň daşary syýasat edarasynyň resmi saýty habar berýär.
Telefon söhbetdeşliginde daşary syýasat edarasynyň ýolbaşçylary hyzmatdaşlygy ösdürmäge gyzyklanma bildirýändiklerini tassykladylar. Ukraina tarapy, işewür gatnaşyklary güýçlendirmek üçin Aşgabat-Kiýew, şeýle hem Aşgabat-Lwow arasynda uçar gatnawlarynyň dikeldilmeginiň möhümdigini belläp geçdi.
Bulardan başga-da, telefon söhbetdeşliginde söwda we maýa goýum hyzmatdaşlygyny ösdürmek, bilim pudagynda özara gatnaşyklar, Ykdysady, medeni we ynsanperwer ugurlar boýunça hökümetara toparyň bäşinji mejlisine taýýarlyk görmek babatdaky wajyp meseleler ara alnyp maslahatlaşyldy.