JEMGYÝET

Türkmenistan bilen Azerbaýjanyň arasynda onlaýn duşuşyk

2020-nji ýylyň 7-nji maýynda Türkmenistanyň DIM-de Hazar deňzi institutynyň direktory M.Atajanowyň Azerbaýjan Respublikasynyň Daşary işler ministriniň orunbasary H.Aliýew bilen duşuşygy geçirildi. Duşuşyk onlaýn-görnüşinde geçirildi.

Duşuşykda Türkmenistanyň we Azerbaýjanyň Hazar deňzinde gorlary peýdalanmak we özarahereket etmek ulgamlaryndaky hyzmatdaşlyklarynyň dürli ugurlary ara alnyp maslahatlaşyldy. Şeýle-de gepleşikleriň çäklerinde öň gazanylan ylalaşyklaryň çarçuwasynda iki ýurduň arasyndaky ylmy-barlag hem-de innowasion-tehnologiki hyzmatdaşlygy ösdürmegiň meselelerine hem seredilip geçildi.

Taraplar 2019-njy ýylda Türkmenistanda Birinji Hazar ykdysady forumynyň geçirilmeginiň aýratyn ähmiýetini bellediler. Bu çäräniň hazarýaka döwletleriniň söwda-ykdysady, ekologiki we ulag ulgamlarynda tagallalaryny utgaşdyrmaga taýýarlyklarynyň subutnamasy bolandygy aýratyn nygtaldy.

Taraplar şeýle-de hazarýaka döwletleriniň ählisi tarapyndan Hazar deňzinde dürli ugurlar boýunça köpugurly hyzmatdaşlygyň esas goýujy hukuk binýady bolup çykyş edýän Hazar deňziniň hukuk derejesi hakyndaky Konwensiýanyň kabul edilmeginiň derwaýys häsiýete eýe bolandygyny hem belläp geçdiler.

Ýene-de okaň

“Makul habar” elektron gazeti (33-sany)

Ata Watan Eserleri

Awazada taryhy üçtaraplaýyn duşuşyk: energetika we ulag hyzmatdaşlygy ösdüriler

Özbegistanyň Prezidentine köşekli arwana düýe sowgat berildi

Ata Watan Eserleri

Awazadaky taryhy üçtaraplaýyn duşuşyk: resminamalar toplumyna gol çekildi

Ata Watan Eserleri

Azerbaýjanyň Prezidentine ahalteke bedewini sowgat berildi

Ata Watan Eserleri

Özbegistan Türkmenistana we Azerbaýjana uglewodorod ýataklary özleşdirmek boýunça hyzmatdaşlyk teklip etdi

Ata Watan Eserleri