Türkmenistanyň Azerbaýjan Respublikasyna eksport eden benzininiň möçberi 37 müň tonna barabar boldy. Bu görkeziji bilen Türkmenistan Russiýadan soňra Azerbaýjana benzin eksport etmekde 2-nji orunda durýar.
“Interfaks Azerbaýjan” internet neşiriniň habar bermegine görä, Türkmenistan 2022-nji ýylyň ýanwar-iýun aýlarynda “AI-92” marka benziniň 36 müň 571 tonnasyny Azerbaýjan Respublikasyna iberdi.
Degişli hasabat döwründe Türkmenistanyň eksport eden “AI-92” marka benziniň bahasy 41,73 million dollara deň boldy. Şeýlelikde, Türkmenistan Russiýadan soňra Azerbaýjana ýangyjyň bu görnüşini ibermekde 2-nji orny eýeledi.
2022-nji ýylyň birinji ýarymynda Azerbaýjan 150.8 müň tonna “AI-92” marka benzin import edip, geçen ýylyň degişli döwri bilen deňeşdirilende 30,2 esse köpdür.
Pul serişdeleri bilen beýan edilende, 173.4 million dollardan gowrak “AI-92” marka benzin import edildi. Ýangyjyň bu görnüşi Azerbaýjanda Geýdar Aliýew adyndaky Bakuwyň nebiti gaýtadan işleýän zawodynda hem öndürilýär.