Fransiýanyň paýtagty Pariž şäherinde tomusky Olimpiýa oýunlary dowam edýär. 4 ýylda bir gezek geçirilýän dünýäniň iň iri sport ýaryşynda Türkmenistanyň türgenleri hem mynasyp bäsleşýärler.
Şu gün Türkmenistanyň milli ýygyndysynyň düzümindäki Walentina Meredowa zenanlaryň arasynda 100 metr aralyga ylgamak boýunça bäsleşdi. Ol deslapky tapgyrda 4-nji orny eýeläp, 1-nji tapgyra çykmagy başardy.
Birinji tapgyrda bu ugurda dünýäniň iň güýçli türgenleri bilen bäsleşen Walentina Meredowa möwsümdäki iň gowy görkezijisini görkezdi.
Ýarym finala çykmaga hukuk berýän tapgyrda Walentina Meredowa pellehanadan 11.95 sekuntda geçip, möwsümdäki iň oňat görkezijsini hasaba aldyrdy. Ýöne şol görkeziji finala çykmak üçin ýeterlik bolmady.
2008-nji ýylda Pekinde geçirilen tomusky Olimpiýa oýunlarynda ýurdumyza wekilçilik eden 39 ýaşly türgenimiz 100 metr aralyga ylgamak boýunça Türkmenistanyň köp gezek çempiony we rekordçysydyr.