SPORT

Türkmen türgeni Çarwadarlaryň V Bütindünýä oýunlarynda altyn medal gazandy

Gazagystanyň Astana şäherinde dowam edýän Çarwadarlaryň V Bütindünýä oýunlarynda türkmenistanly türgenler şowly çykyş edýärler. 10-njy sentýabrda türkmen türgenleri 3 medal gazanan bolsalar, 11-nji sentýabrda ildeşlerimiziň ýene 2-si hormat münberine çykdy. Olaryň biri Çarwadarlaryň V Bütindünýä oýunlarynyň çempiony boldy. Şeýlelikde, türkmen türgenleri 5 medal gazandylar.  Bu barada «Türkmenistan Sport» halkara žurnalynyň «7/24.tm» elektron goşundysy habar berýär.

Türkmenistanyň guşakly göreş boýunça ýygyndysynyň türgeni, Türkmen döwlet maliýe institutynyň 2-nji ýyl talyby Annagurban Allaberdiýew alyş göreşi boýunça 90 kilogram agram derejesinde çykyş edip, altyn medal gazanmagy başardy.

Türkmenistanyň guşakly göreş boýunça ýygyndysynyň türgeni, Türkmenistanyň Goranmak ministrliginiň çagyryş boýunça harby gullukçysy Pälwan Gurbangeldiýew alyş göreşi boýunça 100 kilogram agram derejesinde bürünç medala mynasyp boldy.

Türgenler sportuň 21 görnüşi boýunça medallaryň 97 toplumy ugrunda göreş alyp bararlar. Ýaryşlarda baýrakly orunlary eýelänlere gowşurmak üçin taýýarlanylan medallaryň jemi möçberi 581-e deňdir.

Ýene-de okaň

Özbegistan bilen Azerbaýjan futbol boýunça dünýä çempionatyny geçirmegi meýilleşdirýär

Gülbadam Babamyradowanyň tälim beren türgeni Aziýa Kubogynda bürünç medal gazandy

Türkmenistan ilkinji gezek FIDE zenanlar dünýä küşt kubogynda wekilçilik edýär

Niko Uilýams “Atletiko” toparynda 10 ýyl galýar

Türkmenistanyň «CAFA Nations Cup-2025» halkara ýaryşyndaky garşydaşlary belli boldy

Türkmenistanly zenan emin ilkinji halkara ýaryşyna gatnaşar