BILIM

Türkmen talyplary halkara olimpiadasyna gatnaşdy

19-njy aprelde Ýagşygeldi Kakaýew adyndaky Halkara nebit we gaz uniwersitetinde ýurdumyzyň we daşary ýurtlaryň ýokary okuw mekdepleriniň talyplarynyň arasynda I Halkara açyk informatika internet olimpiadasy geçirildi.

Sanly ulgam arkaly geçirilen olimpiada ýurdumyzyň ýokary okuw mekdeplerinden jemi talyplaryň 181-si gatnaşdy.

Olimpiada onlaýn arkaly daşary ýurtlaryň 17-sinden, ýagny Germaniýadan, Wengriýadan, Awstriýadan, Koreýadan, Rumyniýadan, Malaýziýadan, Hytaýdan, Russiýadan, Belarussiýadan, Gazagystandan, Gyrgyzystandan, Azerbaýjandan, Ermenistandan, Tatarystandan, Başgyrdystandan, Özbegistandan, Täjigistandan jemi 270 talyp gatnaşdy.

Ýokary okuw mekdepleriniň talyplarynyň arasynda geçirilen I Halkara açyk informatika internet olimpiadasy Türkmenistanda sanly bilim ulgamynyň durmuşa geçirilýändigini we ýaşlarymyzyň innowasion tehnologiýalaryndan baş çykarýandyklaryny görkezýär.

Ýagşygeldi Kakaýew adyndaky Halkara nebit we gaz uniwersiteti tarapyndan ýörite işlenilip düzülen milli programma üpjünçiligi arkaly toplanan ballaryň jemi boýunça olimpiadanyň şahsy we toparlaýyn ýeňijileri kesgitleniler.

Ýene-de okaň

Türkmenistan we Hytaý: bilim hyzmatdaşlygyna täze itergi

Türkmenistan bilen ABŞ-nyň arasynda bilim ulgamynda ähtnama gol çekildi

Türkmenistanyň bilim ulgamynyň wekiliýeti ABŞ-da saparda bolýar

Türkmenistanda Lu Ban ussahanasyny döretmek boýunça nobatdaky duşuşyk

Türkmen talyplary halkara himiýa olimpiadasynda 57 medal gazandy

Türkiýaniň Özdemir Baýraktar adyndaky Milli Tehnologiki talyp haklary maksatnamasyna kabul edişlik başlady