Hytaýda dostluk saparynda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Hytaý Halk Respublikasynyň Başlygy Si Szinpin bilen duşuşdy. Bu barada “Sinhua” agentligi habar berdi.
Duşuşykda iki ýurduň arasyndaky syýasy, söwda-ykdysady hem-de medeni-ynsanperwer ugurlardaky hyzmatdaşlyk gatnaşyklary ara alnyp maslahatlaşyldy.
Hytaý Halk Respublikasynyň Başlygy Si Szinpin Türkmenistan bilen tebigy gaz, söwda we çig mal däl pudaklarda hyzmatdaşlygy pugtalandyrmaga taýýardyklaryny mälim etdi.
Si Szinpin bu ugurlarda hyzmatdaşlygyň geriminiň giňeldilmeginiň möhümdigini belledi.
Şeýle hem Hytaýyň Başlygy çig mal däl pudaklar, hususan-da, ulag arabaglanyşygy, oba hojalygy, emeli aň, sanly ykdysadyýet we arassa energetika ýaly ulgamlarda hyzmatdaşlygyň giňeldilmeginiň wajypdygyna ünsi çekdi.