Mongoliýada döwlet saparynda bolýan hormatly Prezidentimiz Serdar Berdimuhamedow Mongoliýanyň Prezident köşgünde dabaraly garşylandy. Bu barada Mongoliýanyň Prezidentiniň metbugat gullugy habar berýär.
Mongoliýanyň Prezidenti Hurelsuh Türkmenistanyň Prezidenti Serdar Berdimuhamedowy Suhe-Bator meýdanynda dabaraly ýagdaýda garşy aldy.
Mongoliýanyň döwlet hormat garawuly nyzama düzüldi we hormat garawulynyň serkerdesiniň hasabatyndan soňra döwlet senalary ýaňlandy.
Soňra Türkmenistanyň Prezidenti hem-de Mongoliýanyň Prezidenti iki ýurduň wekiliýetiniň agzalary bilen tanyşdyryldy.
Resmi garşylamak dabarasyndan soňra Türkmenistanyň Prezidenti döwlet köşgündäki hormatly myhmanlara kitabyna ýazgy galdyrdy.