Şu gün Türkmenistanyň Prezidentiniň gol çeken resminamasyna laýyklykda, türkmen halkynyň milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygyndaky ýurdumyzyň wekiliýeti Germaniýa Federatiw Respublikasyna gulluk iş sapary bilen gitdi. Bu barada “Watan” habarlar gepleşigind bellenilip geçildi.
Türkmen halkynyň Milli Lideri Gurbanguly Berdimuhamedow 28-29-njy sentýabrda Germaniýada iş saparynda bolar.
Türkmenistanyň Halk Maslahatynyň Başlygy Gurbanguly Berdimuhamedow Germaniýa Federatiw Respublikasyna ugramak üçin Aşgabadyň halkara howa menziline geldi. Bu ýerde türkmen halkynyň Milli Lideri Germaniýa Federatiw Respublikasynyň Türkmenistandaky Adatdan daşary we doly ygtyýarly ilçisi bilen söhbetdeş boldy.
Germaniýanyň ilçisi türkmen halkynyň milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Germaniýa Federatiw Respublikasyna saparynyň şowly bolmagyna arzuw etdi.
Şunlukda, bu sapar Türkmenistan bilen Germaniýanyň arasyndaky hyzmadaşlyk gatnaşyklarynyň has-da ösdürilmegine uly itergi berer.
Şeýle hem türkmen halkynyň milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda Germaniýa sapary mynasybetli iş maslahatyny geçirdi.
Bu ýerde Ministrler Kabinetiniň Başlygynyň orunbasary, daşary işler ministri Raşid Meredow türkmen halkynyň milli Lideriniň Germaniýa sapary barada hasabat berdi.
Türkmen halkynyň milli Lideri bu saparyň barşynda “Merkezi Aziýa – Germaniýa” görnüşinde sammite gatnaşar.
Bu sammitine gatnaşmak üçin Gazagystanyň Prezidenti Kasym-Žomart Tokaýew, Gyrgyz Respublikasynyň Prezident Sadyr Žaparow, Özbegistanyň Prezidenti Şawkat Mirziýoýew we Täjigistanyň Prezidenti Emomali Rahmon Berlin şäherine bardylar.