JEMGYÝET

Türkmen dokma önümleriniň Astrahana eksporty maslahatlaşyldy

2020-nji ýylyň 2-nji iýulynda wideoaragatnaşyk arkaly Russiýa Federasiýasynyň «Astrahan söwda-senagat palatasy» birleşmesiniň ýolbaşçylary bilen ikitaraplaýyn eksport-import dolanşygynyň ösdürilmeginiň mümkinçiliklerini maslahatlaşmak boýunça gepleşikler geçirildi.

Gepleşiklere Türkmenistanyň we Russiýa Federasiýasynyň Astrahan oblastynyň degişli ministrlikleriniň we pudak edaralarynyň ýolbaşçylary we wekilleri gatnaşdylar.

Çäräniň barşynda Türkmenistan bilen Russiýa Federasiýasynyň Astrahan oblastynyň Söwda-senagat edaralarynyň wekilleri tarapyndan Türkmenistan bilen RF-nyň Astrahan oblastynyň eksport mümkinçilikleri we import zerurlyklarynynyň meselelerine seredildi.

Bu duşuşyk oňa gatnaşyjylara Türkmenistan bilen Russiýa Federasiýasynyň Astrahan oblastynyň arasyndaky hyzmatdaşlygyň häzirki ýagdaýy we geljegini ara alyp maslahatlaşmaga mümkinçilik döretdi. Taraplar söwda ulgamynda, birža işlerinde hyzmatdaşlygy giňeltmäge aýratyn üns berdiler, hususan-da, Türkmenistanda öndürilen harytlaryň iberilmegi boýunça gyzyklanma bildirdiler.

Gepleşiklere gatnaşyjylar türkmen önümleriniň – dokma harytlarynyň, ýüplükleriň, pamyk önümleriniň Astrahan oblastyna iberilmegi bilen bagly meseleleri boýunça pikir alyşdylar.

Ýene-de okaň

Türkmenistanyň daşary işler ministri 5-nji Tbilisi Ýüpek ýoly forumyna gatnaşdy

Türkmenistanyň Prezidenti BAE-li işewürleri kabul etdi

Türkmenistanyň Prezidenti Hindistanyň ilçisini kabul etdi

“Botaş”-yň baş direktory: esasy maksadymyz – türkmen gazyny uzakmöhletleýin satyn almak

Türkmenistanyň nebitgaz pudagyny ösdürmegiň esasy ugurlary

“Türkmenistanyň nebiti we gazy – 2025″ atly 30-njy halkara maslahaty we sergisi başlady

Ata Watan Eserleri