Şu gün sanly ulgam arkaly geçirilen Ministrler Kabinetiniň mejlisinde Türkmen alabaýynyň baýramyna görülýän taýýarlyk barada hasabat berildi.
“Watan” habarlar gepleşiginde bellenilip geçilişi ýaly, dabaralaryň çäklerinde “Ýylyň türkmen edermen alabaýy” atly halkara bäsleşiginiň jemleýji tapgyryny, şeýle hem sergini we halkara ylmy maslahatyny geçirmek göz öňünde tutulýar.
Mundan başga-da, Türkmen alabaý itleri assosiasiýasynyň III mejlisi geçiriler.
Türkmenistanyň Prezidenti hasabaty diňläp, ýurdumyzda türkmen alabaýlarynyň tohum arassalygyny gorap saklamak, baş sanyny artdyrmak we şan-şöhratyny dünýä ýaýmak boýunça netijeli işleriň alnyp barylýandygyny belledi.