Türkiýe Respublikasynyň Futbol Federasiýasy ýurduň futbol boýunça milli ýygyndysyna täze tälimçi belledi. Bu wezipä italiýaly hünärmen Winsenzo Montella bellendi. Italiýaly tälimçi bilen 3 ýyllyk şertnama baglaşyldy. Şeýlelikde, Montella ilkinji gezek bir ýurduň milli ýygyndysyna tälim berer.
Montella futbol karýerasy döwründe Italiýanyň “Roma”, “Katania”, “Fiorentina”, “Sampdoria” we “Milan” toparlaryna, Ispaniýanyň “Sewilýa” toparyna hem-de Türkiýäniň “Adana Demirspor” toparyna tälim berdi.
Umuman, Montella türk futbolyny ýakyndan tanaýar. Onuň bu ýurtda bir futbol klubyna tälim bermegi oňa täze wezipesinde üstünlik gazanmagyna goşant goşup biler.
49 ýaşyndaky tälimçi Montella ozal Italiýanyň futbol toparlarynyň birnäçesinde futbol oýnan tejribeli futbolçylaryň biridir.
Italiýaly tälimçi tälimçilik eden döwründe ýeke gezek kubok gazandy. Ol hem “Milan” toparyna tälim beren döwründe gazanyldy. “Milan” topary 2016-2017-nji ýylyň futbol möwsüminde Italiýanyň Naýbaşy kubogynyň almak ugrundaky duşuşykda “Ýuwentus” toparyndna üstün çykypdy.
Mundan ozal, Türkiýäniň milli ýygyndysyna germaniýaly tälimçi Stefan Kuntz tälim berýärdi.