Türki Döwletleriň Guramasyna agza döwletleriň hökümet Baştutanlarynyň duşuşygy Gyrgyzystanyň paýtagty Bişkek şäherinde geçirildi. Oňa Gyrgyzystanyň Ministrler Kabinetiniň Başlygy, Gyrgyzystan Prezidentiniň Administrasiýasynyň ýolbaşçysy Adylbek Kasymaliyew, Türkiýe Respublikasynyň wise-prezidenti Jewdet Ýylmaz, Gazagystanyň Premýer-ministri Olžas Bektenow, Özbegistanyň Premýer-ministri Abdulla Aripow we Türki Döwletleriň Guramasynyň Baş sekretary Kubanyçbek Ömüraliýew gatnaşdy.
Maslahatyň dowamynda TDG çäginde hyzmatdaşlygyň esasy ugurlary – ykdysadyýet, söwda, maýa goýumlary, ulag, sanlylaşdyrmak, energetika, oba hojalygy we beýleki ugurlar ara alnyp maslahatlaşyldy. Mundan başga-da öň kabul edilen kararlaryň ýerine ýetirilmegi we guramanyň iş mehanizmleriniň kämilleşdirilmegi seredildi.
Azerbaýjanyň guramanyň agza ýurtlara goýan maýa goýumlarynyň möçberi 21 milliard dollara golaýlady. Bu barada Azerbaýjanyň Premýer-ministri Ali Asadow duşuşykda belläp geçdi.