Türkiýäniň «Türk howaýollary» awiakompaniýasy 2023-nji ýylyň 1-nji noýabryndan Stambul — Aşgabat — Stambul ugurlarynda uçuşlaryň ýygylygyny hepdede 9 gezege çenli köpeltdi. Bu barada awiakompaniýanyň resmi web sahypasynda çap edilen täzelenen uçuş tertibinde mälim edilýär.
Mundan beýläk, türk awiakompaniýasy Aşgabat-Stambul-Aşgabat ugry boýunça duşenbe, sişenbe, penşenbe, şenbe we ýekşenbe günleri bir gezek, çarşenbe we anna günleri iki gezek uçar gatnawlaryny amala aşyrar.
Hepdäniň her güni türk awiakompaniýasy Aşgabat-Stambul ugry boýunça uçar gatnawlaryny irden amala aşyrýar. Ýöne çarşenbe we anna günleri bolsa, agşamda uçar gatnawyny ýola goýmagy meýilleşdirýär. Awiapetekleriniň nyrhlary üýtgäp durýar.