“Trabzonspor” topary Türkiýäniň kubogyny almak ugrundaky ýaryşyň ýarym finalynyň ikinji duşuşygynda “Fenerbahçe” toparyny ýeňmegi başardy. Stambul şäherindäki duşuşyk myhmanlaryň peýdasyna 3: 1 hasabynda tamamlandy. Oýnuň 6-njy we 83-nji minutda “Trabzonsporuň” iki pökgüsini norwegiýaly hüjümçi Aleksandr Sorlot geçirmegi başardy. 94-nji minutda Nowak duşuşygyň üçünji goluny geçirip, toparynyň ynamly ýeňiş gazanmaga uly goldaw berdi. Ýer eýeleri bolan “Fenerbahçe” toparynyň düzüminde 42-nji minutda Türiç bir jogap goluny geçirmäge başardy.
Tomaşaçylaryň stadiona girmegine rugsat berilmändigini, ýöne meýdançada janköýerlere wekilçilik eden birnäçe müň sany karton şekiliniň bolandygyny bellemeli.
Finalda “Trabzonspor”-yň garşydaşy “Antalýaspor – Alanýaspor” duşuşygynyň ýeňijisi bolar. Oýun 18-nji iýunda geçiriler. Ilkinji duşuşykda “Alanýa” topary 1-0 hasabynda ýeňiş gazanypdy.