Halkara Olimpiýa Komitetiniň ýolbaşçysy wezipesine germaniýaly Tomas Bah täzeden saýlandy.
Halkara Olimpiýa Komitetiniň 137-nji mejlisi wioderkonferensiýa ulgamy arkaly geçirildi. Onlaýn tertibinde geçirilen mejlisde bu abraýly sport guramasynyň ýolbaşçysyny saýlamak boýunça guramaçylyk işlerine seredildi. Tomas Bah ýeke-täk dalaşgär hökmünde görkezildi. Täzeden bu wezipä saýlanan 67 ýaşyndaky Bah ýene-de 4 ýyl Halkara Olimpiýa Komitetine ýolbaşçylyk eder.
ikinji möhlete bu wezipä saýlanan Tomas Bah täze görnüşli koronawirus pandemiýasy sebäpli yza süýşürilen Tokio Olimpiýa oýunlary hakynda şeýle diýdi. Ol Tokio şäheriniň Olimpiýa oýunlaryna gowy taýýarlyk gören şäherleriň biridigini belläp, oýunlaryň açylyş dabarasynyň 23-nji iýulda geçiriljekdigine ynanýandygyny aýtdy.
2013-nji ýylyň 10-njy sentýabrynda Argentinada geçirilen Halkara Olimpiýa Komitetiniň mejlisinde 8 ýyllyk möhlet bilen bu wezipä saýlanan Tomas Bah 1894-nji ýylda döredilen Halkara Olimpiýa Komitetiniň 9-njy ýolbaşçysydyr.