Türkiýäniň “Türk howa ýollary” awiakompaniýasy 2023-nji ýylyň ýanwar aýyndan başlap Türkmenistan ugurly adaty uçar gatnawlarynyň sanyny artdyrýar. we şol bir wagtda uçar biletleriň bahasy arzanlaýar.
“Türk howa ýollary” awiakompaniýasyndan “Atavatan Türkmenistan” halkara žurnalynyň “www.atavatan-turkmenistan.com” saýtyna gelip gowşan täze maglumata görä, THY-niň 2023-nji ýylyň ýanwar aýy boýunça täze uçuş rejesi mälim edildi.
Şoňa görä-de, 2023-nji ýylyň ýanwar aýyndan başlap, türk awiakompaniýasy Stambul-Aşgabat ugry boýunça 4 gatnaw, Stambul-Türkmenbaşy ugry boýunça 2 gatnaw amala aşyrar. Umumylykda, bu kompaniýanyň Türkmenistan ugry boýunça hepdelik gatnawlarynyň sany 6-a deň bolar.
Bu uçuş rejesiniň meýilnamasy 2022-nji ýylyň 2-nji ýanwaryndan 2023-nji ýylyň 25-nji marty aralygyndaky döwür üçin kesgitlenendir.
STAMBULDAN AŞGABADA HEPDEDE 4 GATNAW
Türkiýäniň “Türk howa ýollary” awiakompaniýasy 2023-nji ýylyň ýanwar aýyndan başlap bolsa, Stambul-Aşgabat ugry boýunça duşenbe, çarşenbe, anna we şenbe günlerinde adaty uçar gatnawlaryny amala aşyrar.
Stambuldan Aşgabada uçar gatnawy sagat 21:10-da ýerine ýetiriler.
Aşgabatdan Stambula bolsa, gatnawlar sişenbe, penşenbe, şenbe we ýekşenbe günleri amala aşyrylar. Aşgabatdan Stambula uçar gatnawy irden sagat 03:45-de ýerine ýetiriler.
STAMBULDAN TÜRKMENBAŞA HEPDEDE 2 GATNAW
Türkiýäniň “Türk howa ýollary” awiakompaniýasy 2023-nji ýylyň ýanwar aýyndan başlap bolsa, Stambul-Türkmenbaşy ugry boýunça sişenbe we penşenbe günlerinde adaty uçar gatnawlaryny amala aşyrar.
Stambuldan Türkmenbaşa uçar gatnawy sagat 11:00-da, Türkmenbaşydan bolsa Stambula bolsa, uçar gatnawy 15:55-de ýerine ýetiriler.
BILET BAHALARY ARZANLADYLDY
Türkiýäniň “Türk howa ýollary” awiakompaniýasy 2023-nji ýylda Türkmenistan ugry boýunça amala aşyrýan uçar gatnawlarynyň biletleriniň bahasy arzanladylýar. Biletleriň gidiş-gaýdyş bahasy 605 ABŞ-nyň dollaryna deňdir.
Şu ýerde bellemeli zatlaryň biri hem, “Türk howa ýollary” awiakompaniýasy Stambuldan Aşgabat we Türkmenbaşy şäherlerine uçuşlarynda Türkmenistanyň raýatlary üçin PZR test barlagyny talap etmeýär. Bu düzgüniň eýýäm birnäçe hepdeden bäri amala aşyrylyp gelýändigini ýatlatmak gerek.
Türkiýe gitmek üçin wiza düzgüniniň girizilen döwründen bäri Türkmenistan raýatlarynyň ýüzlerçesi gelmek isleýän maksatlaryna laýyk wiza alyp Türkiýä gelip gidýärler.
Wiza almak we bular bilen baglanşykly gas giňişleýin maglumatlary saýtymyzdan we You Tube kanalymyzdan tapyp bilersiňiz. Wiza almak üçin gerekli resminamalaryň toplumyny Aýtakow-Ýubileýniý çatrygynyň ugrunda, Rysgal bankyň ýanyndaky A blok binasynda ýerleşýän Makul Hyzmat Terjime merkezinden terjime edip hem biljekdigňizi ýatlatmak isleýäris.
Habarlaşmak üçin : 863 78 96 73 / 96 48 55 makulhyzmat@gmail.com