Döwrebap ýörite enjamlar agrosenagat toplumynyň ösmeginde möhüm ähmiýete eýedir. Aýry-aýry amallary ýa-da tehnologiki amallary mehanizasiýa we awtomatlaşdyrmak arkaly zähmet öndürijiligini ýokarlandyrmak üçin döredilen oba hojalygy tehnikasynyň ähmiýeti uludyr.
Häzirki wagtda oba hojalygyna köp sanly ýokary tehnologiýalar işjeň ornaşdyrylýar, olar daýhanlara we oba hojalyk önümlerini öndürijilere bu pudagyň gerimini giňeltmäge kömek edýär. Her ýyl oba hojalygy enjamlarynyň üsti täze nusgalar bilen doldurylýar, bir wagtyň özünde birnäçe amallary ýerine ýetirmäge mümkinçilik berýän kombinirlenen tehnikalar peýda bolýar.
Indi ösen tehnika we oba hojalygynda işlemek üçin degişli tehnologiki enjamlar üç görnüşe bölünýär. Her görnüşi oba hojalygynyň tehnikasynyň görnüşi üçin işleriň we tehnologiki prosesleriň sanawyny öz içine alýar. Häzirki zaman oba hojalygy tehnikasy 3 görnüşe bölünýär:
- Ekişden ozal topragy taýýarlamak, ekişden öň bejermek we gönüden-göni ekiş işleri (sürmek, ekmek, we ş.m.) üçin ýörite enjamlar we traktorlar.
- Ekinlere we ekişlere öz wagtynda ideg etmek üçin ýöriteleşdirilen enjamlar, dökün ýaýradyjylar, suwaryş ulgamlary, hatarara bejergiler üçin ulgamlar.
- Hasyl ýygnamak üçin kombaýnlar, ekiş, ot-iým üçin enjamlar, adatça, hasyly daşamak üçin dürli traktorlar.
Biziň ýurdumyzda hem oba hojalyk pudagynyň ösdürilmegine uly üns berlip, bu babatda pudagyň maddy-enjamlaýyn binýady yzygiderli pugtalandyrylýar. Ýylyň-ýylyna oba zähmetkeşleri üçin döwrebap tehnikalar satyn alynýar. Olar hem oba hojalygynda hasyllylygyň ýokary bolmagyna getirýär.
Myratjan Jorakulyýew,
S.A.Nyýzaow adyndaky Türkmen oba hojalyk uniwersitetiniñ Oba hojalygynyñ mehanizasiýasy fakultetiniñ Amaly mehanika kafedrasynyñ mugallymy.
Halkara zenanlar gününe bagyşlanan baýramçylyk konserti