Ine, şu gün köne ýylyň soňky güni – Täze ýylyň hem ilkinji gününe “salam” diýmek üçin howlugylýan gün! Täze ýylyňyz gutly bolsun, mähriban ildeşler. 2023-nji ýyl bagtly, saglykly, bereketli we ýürekdäki ýagşy arzuwlaryň amala aşýan ýyly bolsun!
Gelin-gyzlarymyz biri-birinden lezzetli saçagy taýýarlamak üçin günüň ilkinji sagadyndan aşhana geçdiler. Indi bolsa halkymyz agzybirlikde maşgalasy bilen saçagyň başyna geçdiler. Çagalaryň “Aýazbabadan” gelen sowgatlar bilen şatlanyp “ýasama garlaryny” sepmek üçin howlukýan wagty, köpümiziň aklynda agşam 12-den soňra maşgala bolup näme tomaşa etsek, diýip soragam ýok däl!
Gyzykly gepleşik tomaşa etsekmi ýa-da manyly köne kinolar! Türkmen meşhur ýyldyzlary bilen ýazgy edilen biri-birinden gyzykly show gepleşik tomaşa etmek isleýäňizmi? Ýa-da sözüň hakyky manysynda ussat sungat wekilleri bilen dokumental film äheňinde ýazgy edilen gepleşiklermi? Ýurdumyzyň we dünýäniň dürli künjegine onlaýn syýahata çykasyňyz gelýärmi? Belki bu syýahat gepleşikleri size täze gözýetimler getirer we 2023-nji ýylda dünýäniň dürli künjegine syýahata çykarsyňyz!
Sagat 12-de kesilen süýji tortyň siziň saçagyňyza gelýänçe geçen “ädimleri” barada gürrüň berýän lezzetler gepleşigi Sizi gyzyklandyrýarmy? Eýsem geljekki Ussatlar we Ýyldyzlaryň döremegine sebäp boljak zehinler gepleşigi sizde näme täsir galdyrar! Belki “super starlaryň” we “mega starlaryň” çykmagyna sebäp bolup biler bu gepleşikler! Täze ýylda ogurlyk aýdymlar “dammasyn” diýýän bolsaňyz ýa-da “paýyş sözsüz internet” isleýän bolsaňyz intellektual gepleşiklere tomaşa edip bilersiňiz.
Hem öwrenmek hemde bilýän zatlaryňdan pul gazanmak isleýänler üçin ýörite taýýarlanan “bonus” gepleşiginde wagtyň manyly geçeni duýmak islemeýänleri hem unutmadyk! Bu soraglaryň köpüsine “howa” jogabyny berýän bolsaňyz, aslynda Siz “Atavatan TV YouTube” kanalyndaky biri-birinden gyzykly we peýdaly gepleşikleri we kinolary tomaşa edesiňiz gelýär! Emma “YouTube” Kanalymyza girip bilmediňmi? Onda Size täze ýyl sowgady: www.atavatantv.com saýty hödürlenýär.
“YouTube”-syz “YouTube” wideolaryny tomaşa etmegiň täze usuly
Dürli wideolary tomaşa etmekde häzirki döwürde “YouTube” platformy dünýäde öňdäki orunlaryň birini eýeleýär. Ata Watan media topary hem öz wideo gepleşiklerdir habarlaryny “You Tube” programmasynyň üsti bilen müňlerçe tomaşaça hödürläp gelýär. “Atavatan TV You Tube” kanalynyň häzirki döwürde 22 müňden köp agzasy bar. Kanalymyza agza bolup ýa-da bolman kanalymyza ýerleşdirilen wideolar jemi 4,2 million gezek tomaşa edildi. Tomaşaçylarymyz jemi 390 müň sagatdan köp wagtyny kanalymyzda geçirdiler. Kanalymyza ýerleşdirilen wideolaryň has köp tomaşaçylar tarapyndan tomaşa edilmegini gazanmak maksady bilen täze saýt döretdik. Indi tomaşaçylarymyz www.atavatantv.com saýtynyň üsti bilen kanalymyza ýerleşdirilen wideolary ýurdumyzyň we dünýäniň dürli künjeginden aňsatlyk bilen tomaşa edip bilerler.
Ata Watan media toparynyň kanalynda eýsem haýsy gepleşikler bar?
Täze gepleşikler:
- Ata Watan Zehinleri : Ýaş zehinli oglan -gyzlarymyzy halk köpçüligi bilen tanyşdyrmak maksady bilen taýarlanylýar.
- Ata Watan Lezzetleri : Türkmen we dünýä lezzetleriniň taýarlanyşynyň inçe tilsimleri baradaky gepleşik
Beýleki gepleşikler:
- Saýlanan Habarlar : Ýurdymyzda we dünýädeki gündelik wakalar barada hepdäniň 6 güni tomaşaçylara ýetirilýän wideo habar gepleşik
- Türkmenistan Gündemi : Ýurdumyzdaky wakalary türk dilini bilýän tomaşaçylara ýetirmek maksady hepdede 6 gezek taýarlanylýan türk dilindäki gepleşik
- Ata Watan Habarlary :Ýörite habarlary tomaşaçylar köpçüligine ýetirip gelýän, 2021-nji ýylyň ahyrky çeýreginde ýola goýlan gepleşik
- Humaý serialy : Jemi 2 bölümi tomaşaçylara ýetirilen täze Türkmen serialy
- Dokumental film : Eje barada söhbetdeşlikleri özünde jemleýän gepleşikler
- Ata Watan Ýyldyzlary: Ýurdumyzyň meşhur ýyldyzlary bilen ýazgy edilen show gepleşikler
- Ussatlar Ata Watanda : Türkmen ussatlary bilen ýazgy edilen dokumental film äheňindäki gepleşikler
- Intellektual Perspektiw : Ogurlyk aýdym, paýyş sözsüz internet ýaly intellektual temalaryň ara alyp maslahatlaşylýan gepleşik
- Halkara gepleşik : Diplomatlar we halkara guramalaryň wekilleri bilen gurnan ýörite söhbetdeşlikler gepleşigimiz. Häzire çenli Amerikanyň Birleşen Ştatlarynyň Türkmenistandaky Adatdan daşary we doly ygtyýarly ilçisi Metýu Stefen Klimow, Beýik Britaniýanyň we Demirgazyk Irlandiýanyň Birleşen Patyşalygynyň Türkmenistandaky Adatdan daşary we Doly ygtyýarly ilçisi hanym Lýusia Uaýld, Türki Döwletleriñ Guramasynyñ şol wagtky Baş sekretary Bagdat Amraýew, Türk-Türkmen işewürler geñeşiniñ şol wagtky başlygy Halyl Awjy we Türki Döwletler Guramasynyñ Söwda Senagat Edarasynyñ şol wagtky baş sekretary Adem Kula bilen ýörite wideo gepleşikler taýýarlap tomaşaçylarymyza ýetirdik.
- Syýahat wideolary :Bu sahypamyzda ýurdumyzyň we dünýäniň ajaýyp künjeklerinden taýarlan syýahat gepleşiklerimizi tomaşaçylarymyza ýetirýäris. Ýurdumyzdan häzire çenli Kyrkgyz gowagy, Garagum Ýalkymy we Seýitjemal Ýädigärlik toplumyndan taýýarlan gepleşiklerimizi ýetirdik. Ýakynda bolsa, Daşoguz welaýatynyň çäklerinde ýazgy eden gepleşiklerimiz we Köwata gowagy baradaky gepleşigimizi ýetireris.
- Ata Watan Dünýäde : Amerikanyň Birleşen Ştatlaryna syýahat etmek isleýänler üçin gepleşik
- Intelellektual Bonus : Bilimi bilen pul gazanmak isleýänleriň gepleşigi
- Onlaýn biznes sapaklar: Biznesde başarnykly bolmak isleýänler üçin ýörite ýazgy edilen gepleşik
- Döredijilik : Döredijilik bilen baglanşykly biri-birinden tapawutly birnäçe gepleşikleri özünde jemleýän ýörite bölüm
Şeýle hem www.atavatantv.com saýtyndan birnäçe türkmen kinolaryny tomaşa edip bilersiňiz. Saýtymyzda ýerine ýetirijiler tarapyndan bize berlen birnäçe klipleri hem tomaşa etmek mümkin.