“Atavatan Türkmenistan” halkara žurnalynyň www.atavatan-turkmenistan.com saýty okyjylaryna has gyzykly we peýdaly habarlary, şeýle-de seljermeleri ýetirmek maksady bilen täze sahypalar açmaga dowam edýär. Ýakynda Size täze açylan “Saglyk” sahypamyz we soňky döwürde has işjeňleşen “Teswirler” sahypamyz barada habary saýtymyza ýerleşdiripdik. Bugün Size ýetirjek sahypamyz bolsa “Täleýnama” sahypasydyr.
Her gün millionlarça adamlar «ýyldyzlar näme diýýär» diýen gyzyklanma bilen gazet-žurnallaryň ýa-da web saýtlaryň sahypalaryny gözden geçirýärler. Ýyldyzlaryň täsiri astynda adamyň doglan senesine laýyklykda düzülen çyzga goroskop diýilýär. Bu söz türkmen dilinde täleýnama diýip terjime edilýär.
Biz www.atavatan-turkmenistan.com saýtynyň “Täleýnama” sahypasynyň üsti bilen Size her bir ýyldyz barada giňişleýin maglumat bereris. Awtorymyz Aýbölek Abdyrasulowa öz burjynda ilki bilen Täleýnamalar barada umumy maglumat berýän “Täleýnama — ýyldyzlar näme diýýär” atly makalasyny Size ýetiripdi. Awtorymyz soňra her bir ýyldyz baradaky seljermesini Size ýetirmäge başlady we häzire çenli hamal (guzy 21.03—20.04), sowur (öküzçe 21.04 — 20.05) we jöwzalar (ekizekler, 21.05- 22.06) baradaky seljermeler saýtymyza ýerleşdirildi. Geljekde yzygiderlikde beýleki ýyldyzlar baradaky seljermeleri hem Size ýetireris.
Şeýle hem, saýtymyzyň “Täleýnama” sahypasyna, Halkara ynsanperwer ylymlary we ösüş uniwersitetiniň žurnalistika hünäriniň talyby Çaryguly Hanjaýew tarapyndan taýýarlanylýan hepdelik Täleýnamalar baradaky maglumatlary ýerleşdirmäge başladyk. Häzire çenli 2020-nji ýylyň 19-25 iýul, 26 iýul — 1 awgust we 2-8 awgust döwürleri üçin hepdelik täleýnamalar baradaky seljermeler ýerleşdirildi. Seljermeler geljekde hem hepdelik dowamly saýtymyza ýerleşdiriler. Şol sebäpli ýyldyzlar bilen gyzyklanýan okyjylarymyzy “Täleýnama” sahypasyna çagyrýarys.