Paýtagtymyz Aşgabatda geçirilen Türkmenistanyň ykdysady üstünlikleri sergisine gatnaşýan “Täç Hil” hususy kärhanasynyň hünärmeni Haknazar bilen söhbetdeş bolduk. Ol türkmen bazarynda özleriniň alyp barýan işleri bilen gyzykly gürrüňler berdi.
Haknazar ilki bilen paýtagtymyzda ýurdumyzyň ykdysady üstünliklerine bagyşlanan sergi barada gürrüň beräýseňiz?
Häzirki wagtda şanly Garaşsyzlygymyzyň 29 ýyllygyna bagyşlanyp geçirilýän Türkmenistanyň ykdysady üstünlikleriniň sergisine gatnaşýarys. “Täç Hil” hususy kärhanasy özüniň önümlerini hödürleýär. Bu sergi örän ýokary derejede gurnalan we bu sergä gatnaşýandygymyz üçin örän buýsanýarys.
Indi bolsa Haknazar özüňiziň zähmet çekýän “Täç Hil” hususy kärhanaňyzyň sergide ýerleşdirilen önümleri barada gysgaça maglumat beräýseňiz?
Elbetde, “Täç Hil” hususy kärhanasy diňe bir ýurdumyzyň çäginde däl, eýsem daşary ýurtlarda gurnalýan sergilerde yzygiderli işjeň gatnaşýar. Häzirki sergimizde öndürýän önümlerimizi görkezmek bilen köpleriň ünsüni özümize çekmegi başarýarys. Kärhanamyz häzirki wagtda çygly süpürgiçleri, dürli görnüşdäki antibakterial serişdeleri öndürmek bilen uly tejribe toplady. Çygly süpürgiçler gaplarynyň we düzüm aýratynlyklary bilen biri-birinden tapawutlanýar. Mundan daşary “Täç Hil” hususy kärhanamyz suwuk arassalaýyş serişdeleri önümçiligini alyp barýar. Bulara: ýuwujy serişdeler, gap-gaç ýuwujy serişdeler, suwuk sabynlar degişli bolup durýar. Ýaňy-ýakynda kärhanamyz täzelikde önümçiligi ýola goýan antibakterial serişdeleri görmek hem bolar. Şeýle hem sergimiziň tekçelerinde antibakterial serişdeleri özüniň aýratynlygy reňki we görnüşi bilen tapawutlanýan hem-de gel görnüşinde antibakterial serişdelerini halk köpçüligine hödürleýäris. Gel görnüşinde antibakterial serişdelerinde esasy önümçiliginde has aýratyn formula eýe bolan düzüminde üzärlik dänejikleri bolan we hiç hili himiki goşundulardan we reňklendirijilerden goşulmadyk önümlerimizi ýerleşdiridik. “Täç Hil” hususy kärhanamyz Merkezi Aziýada döwletleriň arasynda gel görnüşinde antibakterial serişdeleri ilkinji öndüriji bolup tanalýar. Ýurdumyzyň çäginde ilkinji hiç hili alkogolsyz antibakterial çygly süpürgijiň önümçiligimiziň hem ýurdumyzyň çäginde ilkinjileriň hatarynda bolup durýandygymyzy buýsanç bilen bellemek bolar.
Ulanyjylar üçin nähili şertler döredilen:
“Täç Hil” hususy kärhanasy öz önümlerini amatly şertlerde ulanmaga, hat-da ýan torbalarda götermäge ulanyjylar üçin ähli şertleri döredilendir.
“Täç Hil” hususy kärhanasyndan öndürýän önümlerden başga-da täze önümlerine garaşyp bilerismi?
Elbetde, dogry belläp geçýäňiz golaýda öz önümçiliklerimizi giňeltmek maksady bilen “Täç Hil” hususy kärhanamyz atyrlaryň önümçiligini hem ýola goýmak meýilleşdirýär.
Howa, Haknazar belleýişiňiz ýaly siziň kärhanaňyzyň önümlerini ýurdumyzyň ähli künjeklerinde ýerleşýän söwda nokatlarynda şeýle hem bazarlarda görmek bolar. Bu bolsa bizi begendirýär, buýsandyrýar. Haknazar häzirki wagtda dowam edip duran sergimiz barada öz ýürek buýsançlaryňyzy beýan edäýseňiz?
Ýurdumyzyň şanly Garaşsyzlygymyzyň 29 ýyllygyna bagyşlanyp geçirilýän bu sergi ýokary derejede we guramaçylykly alnyp barylýar. Bu sergä ähli kärhanalar özleriniň zähmet üstünlikleri bilen gelipdirler. Sergide ýurdumyzyň dürli pudaklarynyň işgärlerini, telekeçileriň birnäçesini, köpçülikleýin habar beriş serişdeleriniň işgärlerini, talyp ýaşlarymyzy we şäherimiziň ýaşaýjylaryny sergimizde görmek bolýar. Sergä gatnaşyjylaryň özlerine gyzyklandyrýan soraglaryny ýeke-ýeke jogap bermäge synanyşýarys. Talaplaryny we isleglerini doly öwrenýäris we özümize aýratyn bellikleri alýarys. Pursatdan peýdalanyp, şular ýaly giň mümkinçilikleri döredip berýän hormatly Prezidentimiziň jany sag bolsun, il-ýurt ähmiýetli alyp barýan işleri mundan beýläk hem rowaçlyklara beslensin.
Köp sag boluň Haknazar beren täsinli we gyzykly maglumatlaryňyz üçin biz hem siziň işiňizde uly üstünlikleriň ýaran bolmagyna arzuw edýäris.
Türkmenistanyň ykdysady üstünlikleriniň sergisi
Ýurdumyzda we dünýäde bolup geçýän ykdysadyýete degişli täzeliklerden “habardar” bolmak isleýän bolsaňyz, bu sahypa Siziň üçin!
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
