Dünýäde koronawirus ýokanjyna garşy sanjym edilenleriň sany bu kesel bilen keselleriň sanyndan köp boldy. Bu barada Bütindünýä Saglygy Goraýyş Guramasynyň Baş direktory Tedros Adhan Gebreýesus habar berdi.
– Tutuş dünýäde sanjym edilenleriň sany koronawirus ýokanjy bilen kesellenläriň sanyndan geçdi – diýip, Gebreýesus belledi. Onuň aýtmagyna görä, bu hoş habar bolsa-da, sanjymlaryň dörtden üçüsiniň jemi içerki önümiň takmynan 60% jemlenen 10 ýurtda urlandygy bellenildi.
Bütindünýä Saglygy Goraýyş Guramasynyň ýolbaşçysy 2,5 milliard adamyň ýaşaýan 130 töweregi ýurdunda sanjymyň ilkinji dozasyny hem almandygyny aýtdy.
Russiýa dünýäde ilkinji bolup COVID-19 sanjymyny bellige aldy. Bu sanjym, Russiýanyň göni maýa goýum gaznasy bilen hyzmatdaşlykda Gamaleýanyň adyndaky lukmançylyk ylmy-barlag merkezi tarapyndan işlenip düzüldi. “Sputnik V” diýlip atlandyrylan bu sanjym häzirki wagtda onlarça ýurtda bellige alyndy. Dünýäniň ençeme ýurdunda onuň önümçiligi ýola goýulýar.
Mundna başga-da, “BioNTech-Pfizer”, “Moderna” we “AstraZeneca” sanjymy ýaly köp sanly sanjymlar bellige alnyp, Ýewropa ýurtlarynda we ABŞ-da ulanylýar.
Hünärmenleriň teswirlerini okamak üçin bu sahypamyza yzygiderli gelip duruň!
