Günorta Koreýanyň tehnogiganty “Samsung” täze flagman smartfonlaryny tomsuň soňky aýynda tanyşdyrar. Adatça, “Samsung” her tomsuň soňunda “Galaxy Note” ugruna degişli smartfonlary görkezýän bolsa, bu gezek gürrüň “Galaxy S21 FE”, “Galaxy Z Fold 3” we “Galaxy Z Flip 3” smartfonlary barada gider. Bularyň soňky ikisi smartfonyň içki ýüzüne eplenýän maýyşgak displeý bilen üpjün ediler.
Aýdylşyna görä, “Galaxy Z Fold 3” “S Pen” atly galama eýe bolar diýip çaklanylýar. Bu enjam dünýäde ilkinji ekranasty kameraly maýyşgak displeýli smartfon bolar diýip garaşylýar.
Maýyşgak konstruksiýaly täze smartfonlaryň ikinjisiniň, “Galaxy Z Flip 3”-iň, ozalky nesliň modeli bilen deňeşdireňde daşky ekrany ulurak bolar. Bu enjamda 12 megapiksellik iki sany esasy, içerki ýüzünde bolsa 10 megapiksellik kamera gurnalar.
“Galaxy S21 FE” aýdylyşyna görä, 6,4 dýumlyk barmak yzynyň skaneri ornaşdyrylan ekrana eýe bolar. Ekranyň ýygylygy 120 Hz, çözgüdi bolsa FULL HD+ bolar diýip, çaklanylýar. Onuň arka ýüzünde 3 sany kamera ornaşdyrylar.
Çeşme: https://3dnews.ru/1039194/samsung-predstavit-novie-gibkie-smartfoni-v-avguste