Üljäniň gülüni ýatladýan Sakura, Ýaponiýanyň iň möhüm nyşanlaryndan biridir. Sakura ýurduň milli güli hasaplanýar.
Ýagşylygy, söýgini we bahary alamatlandyrýan sakura agajy, ýylyň belli wagtlarynda gülleýän we diňe 10 gün ýaşap bilýän agaçdyr. Şonuň üçin Sakura, dogluşy we ölümi alamatlandyryp, ömrüň nähili gysgadygyny hem-de gymmatlydygyny ýada salýar. Mundan başga-da, sakura samuraýlar üçin gollanma hökmünde çykyş edýär.
Ýapon medeniýetinde ‘Sakura Zensen’ diýlip atlandyrylýan Sakura festiwaly ýanwar aýynda Okinawada başlaýar we howanyň gyzmagy bilen Kýotoda we Tokioda aprel aýyna çenli ýüze çykýar. Sakura zensen Ýaponiýanyň 11 şäherinde iki hepdelik baýramçylyklar bilen bellenilýär.
Gülleriň aşagynda gezelenç geçirmek we güllere tomaşa etmek däbi bolan ‘Hanami’, ýaponlar üçin köp asyrlyk däp. Festiwal martyň soňky hepdesinde başlanyp, maý aýyna çenli dowam edýär. Bu festiwal zynjyry her ýyl Ýaponiýa, takmynan, 500 müň syýahatçyny çekýär. Adamlar möhüm günlerini, ykdysadyýetini we nikasyny şu wagta görä belleýärler. Ýaponiýada sakuranyň 200-den gowrak görnüşi bar. Sakuranyň beýleki agaçlardan tapawudy bolsa, bu agaç miwe bermeýär.