Russiýa Federasiýasynyň “S7” awiakompaniýasy 2022-nji ýylyň dekabr aýyndan Türkmenistana amala aşyrýan gatnawlarynyň sanyny 2-ä çykarýar. Bu barada Russiýa Federasiýasynyň Türkmenistandaky ilçihanasynyň “Telegram” jemgyýetçilik torunda mälim edilýär.
Şol habarnamada: “2022-nji ýylyň dekabr aýyndan “S7″ awiakompaniýasy ozalky duşenbe gününden başga-da perşenbe günleri hem awiagatnawlary amala aşyrar” diýlip bellenilýär.
Uçar gatnawlarynyň tertibi:
- “S7-3237” Moskwa-Tükrmenbaşy: uçýan wagty-03:30, gonýan wagty 09:08
- “S7-3238” Türkmenbaşy-Moskwa: uçýan wagty 10:05, gonýan wagty 11:35
Uçaryň uçýan we gonýan wagtlary ýerli wagtda görkezilendir.
Ozal hem habar berşimiz ýaly, 17-nji oktýabrdan Russiýanyň «S7 Airlines» awiakompaniýasynyň Moskwa — Türkmenbaşy — Moskwa ugry boýunça yzygiderli uçar gatnawlaryny amala aşyryp başlapdy.