Italiýanyň “Ýuwentus” toparynyň portugaliýaly hüjümçisi Kristiano Ronaldo tapawutlanmak babatynda ýene-de bir üstünlige eýe boldy. Italiýanyň “Seriýa A”çempionatynyň 25-nji tapgyrynda “Ýuwentus” topary “Ýuwentus Stadium” stadionynda “Spezia” toparyny kabul etdi. Toparda Morata 62-nji, Kiesa 71-nji, Ronaldo 89-njy minutlarda tapawutlanyp, garşydaşyny 3:0 hasaby bilen ýeňmegi başardy. Häzirki wagtda dowam edip duran çempionatda Ronaldonyň 20 goly bar. Şeýlelik bilen Ronaldo soňky 12 möwsümde Ýewropanyň iň gowy 5 sany futbol çempionatynda azyndan 20 pökgi geçirmegi başardy. 36 ýaşly portugaliýaly hüjümçi şeýle netijäni gazanan ilkinji futbolçy boldy.