Saud Arabystanynyň “Al-Nasr” toparynyň düzüminde çykyş edýän portugal ýyldyz Kristiano Ronaldo futbol karýerasyny tamamlandan soňra tälimçi bolmagy göz öňünde tutmaýandygyny aýtdy.
– Häzirki wagtda tälimçi bolmagy göz öňünde tutmaýaryn. Men öz geljegimi başga ugurlarda görýärin. Futbol bilen baglanyşykly bolmadyk ugurlarda iş alyp bararyn. Ýöne entek belli zat ýok – diýip, Ronaldo beren beýanatynda öz geljegi barada belläp geçdi.
39 ýaşyndaky Ronaldo haçan futboly taşlajakdygy barada belli bir netijä gelmändigini aýdyp, futboly häzirki çykyş edýän “Al-Nasr” atly saud toparynda bes etmegi göz öňünde tutýandygyny aýtdy.
Tejribeli futbolçy saud toparynda bagtlydygyny, Saud Arabystanyda futbol oýnamagy halaýandygyny we dowam etdirmegi göz öňünde tutýandygyny belledi.
5 gezek “Altyn pökgi” baýragynyň hem-de 5 gezek Çempionlar ligasynyň ýeňijisi bolan Ronaldo Portugaliýanyň, Angliýanyň we Italiýanyň güýçli toparlarynda futbol oýnady.