Portugaliýaly hüjümçi Kristiano Ronaldo häzirki wagtda dowam edýän Ýewropa çempionatynyň özüniň karýerasyndaky soňky çempionatdygyny belledi.
– Bu meniň üçin soňky Ýewro bolar. Bu meni byinjalyk edenok, has-da höweslendirýär. Men janköýerlere gynanýan. Men hemişe bu köýnekçe üçin tagalla ederin. Ony ömürlik etmek üçin synanyşaryn. Özüňe jogapkärçilik almak zerurdyr – diýip, Ronaldo belläp geçýär.
Mälim bolşy ýaly, 1/8 finalda Portugaliýa Sloweniýany 11 metrlik jeirme urgulary bilen ýeňip, 1/4 finala çykdy. Bu duşuşykda Ronaldo oýnuň dowamynda 11 metrlik jerime urgusyndan peýdalanyp bilmändigi üçin gaty gynanyp, duşuşygyň dowamynda aglady.