Beýik Britaniýanyň täze Premýer-ministri Rişi Sunak bolmagyna garaşylýar. Patyşa Karl III tarapyndan Premýer-ministr wezipesini Rişi Sunaka bermegine garaşylýar. Bu Patyşa Karl III döwründe berilen ilkinji Premýer-ministr wezipesi bolar.
Öň habar berişimiz ýaly, Beýik Britaniýanyň 2 aý ýaly mundan ozal saýlanan Premýer-ministri Liz Trass wezipesini tabşyrjakdygyny mälim edipdi.
42 ýaşyndaky Rişi Sunak 1812-nji ýyldan bäri Beýik Britaniýanyň iň ýaş hökümet başlygy boldy. Şeýle hem ol hindi asylly ilkinji ýolbaşçydyr. Sunak mundan ozal, Boris Jonsonyň Premýer-ministri döwründe maliýe ministri wezipesini amala aşyrdy.
Boris Jonsondan soňra Rişi Sunak Liz Trass bilen premýer-ministrlik wezipesini üçin bäsleşipdi. Ýöne Liz Trassdan yza galypdy. Bu gezek bolsa, ol beýleki dalaşgärleriň ýüz öwürmegi bilen ýeke-täk dalaşgär hökmünde Premýer-ministr boldy.
Ol hem ýurduň täze Premýer-ministri hökmünde Beýik Britaniýanyň ykdysady kynçylyklaryna çözgüt tapmaga synanyşjakdygyny belledi.
Rişi Sunagyň maşgalasy Beýik Britaniýa Afrikanyň gündogaryndan geldi. Sunagyň özi 1980-nji ýylda Southempton şäherinde dünýä indi. Ol ilkinji britan-aziýaly hökümet başlygydyr.