Russiýa Federasiýasynyň Prezident Wladimir Putin Alýaska sapar bilen baran ilkinji rus lideri bolar. Bu barada rus metbugaty habar berdi.
Bellenilişi ýaly, şu wagta çenli hiç bir Russiýanyň Pprezidenti bu Amerikanyň ştatyna barmandyr.
Statistiki maglumatlara görä, bir amerikaly ömründe ortaa on ýarym ştaty zyýarat edýär, emma her onunjy adam hiç haçan öz ştatynyň çäginden çykmaýar we diňe ABŞ ýaşaýjylarynyň 12%-i Alýaskada bolupdyr.
Russiýanyň Prezidenti iň soňky gezek ABŞ-a 2015-nji ýylda barypdy.
Putin bilen Trampyň duşuşygy 15-nji awgustda Alýaskada bolar.
Russiýanyň Lideriniň kömekçisi Ýuriý Uşakow bu maglumaty tassyklady. Onuň aýtmagyna görä, duşuşygyň ýerine geografik taýdan iki ýurduň ýakynlygy sebäp bolupdyr.