Ördekleriň dürli görnüşleri bolup, köpüsi owadanlygy bilen tapawutlanýar. Şol sebäpli adamlar ördegi gowy görýärler. Ördek multfilm gahrymanlarynyň, oýnawaç ördekleriň bolmagam ýöne ýerden däldir. Tebigy şertlerde ýaşaýan ördekleriň iň owadany Mandarin ördegi hasaplanýar. Dürli reňkli ýelekleri bolan bu ördekler, esasan, Ýaponiýada, Hytaýda we Russiýada ýaşaýarlar. Seýrek duş gelýän bu jandarlaryň sany o diýen köp däl. Guşlar maşgalasynyň ählisinde bolşy ýaly, olaryň horazlary has köp reňkli bolýar. Mandarin ördekleri kölleriň, derýalaryň golaýyndaky agaç köweklerinde höwürtge ýasanýarlar.
Ýaşylbaş ördekler Hazar deňzinden Amyderýa çenli aralykda uçup geçýärler, höwürtgeleýärler, gyşlaýarlar, bir bölegi oturymly ýaşaýar. Deňziň, kölleriň, suw howdanlarynyň, suw joşgunyndan dörän suwlaryň we düzlüklerdäki suw ýataklarynyň kenarlarynda gezýärler. Gyşyna suwarymly ýerlerde duşýarlar.
Ýaşylbaşlaryň jübütleşmesi güýz-gyş aýlarynda bolup geçýär. Adatça, ýaz aýlary süýji suwly howdanlaryň kenarlarynda ösýän otlaryň arasynda höwürtgeleýärler.
Ördekler hakda gyzykly maglumatlar guşlar hakda has köp zat öwrenmek üçin ajaýyp mümkinçilikdir. Dünýäniň köp ýerinde öý ördekleri etleri we ýumurtgalary üçin ösdürilip ýetişdirilýär. Öz gezeginde ýabany ördekler köp ýurtda duş gelýär.
- Häzirki wagtda ördekleriň 110-dan gowrak görnüşi belli.
- Adam gadymy döwürde ördeki eldekileşdiripdir. Mysal üçin, gadymy Müsürde guşlar ösdürilip ýetişdirilipdir
- Ördek ösdürip ýetişdirmekde Hytaý dünýäde öňdebaryjydyr. Her ýyl bu ýerde 2 milliona golaý guş ösdürilip ýetişdirilýär, bu dünýä önümçiliginiň 75% -ini düzýär.
- Ördekler dünýä inenden soň, gözüne ilişen ilkinji zady ejesi hökmünd ekabul edýär.
- Gyzykly bir hakykat, ördekleriň latyn amerikalylaryň iýmitinde gaty seýrek bolmagydyr.
- Aw awlaýarka, ördek 6 metr çuňluga çümüp bilýär.
- Ortaça bir öý ördek ýylda 250 töweregi ýumurtga berýär.
- Käbir alymlaryň pikiriçe, ördegi çörek bilen iýmitlendirmek maslahat berilmeýär, sebäbi beýle iýmit saglyga zyýanly.
- Tüý täzelemek döwründe ördek şeýle bir köp ýelek ýitirýär welin, birnäçe wagtlap uçup bilmeýär. Netijede, ganatlarynda ýelek ösýänçä garaşmaly bolýar.
- Ördekleriň käbir görnüşleri bir günde 500 km aralygy geçip bilýär.
- Ördek uçuşynyň iň ýokary tizligi sagatda 170 km hasaba alyndy.