«Joşua Bekford Oksford uniwersitetine alty ýaşynda kabul edilen ilkinji talypdyr» diýip, «Healthy Food House» neşiriniň habarynda aýdylýar.
2011-nji ýylda onuň kakasy Oksford tarapyndan 8 ― 13 ýaş aralygyndaky çagalar üçin okuw maksatnamasynyň ýola goýulýandygy baradaky bildirişi eşidip, ogly heniz görkezilen ýaşdan kiçi hem bolsa ýüz tutup gördi. Şeýlelikde, körpeje Bekforda uniwersitetiň talyby bolmak üçin ähli mümkinçilikler döredildi.
Juda zehinli oglanjyk pelsepe we taryh boýunça sapak alan hem bolsa, onuň ýetişigi başga dersler boýunça hem juda gowudy. Hatda ol onlaýn okuw platformalarynda hem iň gowy netijäni görkezen talyplaryň biri boldy.
Kakasy Knoh Daniel heniz bir hem ýaşamanka onuň käbir ukyplarynyň ýüze çykyp başlandygyny aýdýar. Entek 10 aýlyk Joşua kompýuteriň klawiatursyndaky harplaryň adyny doly aýdyp bilipdir.
Ol üç ýaşyna baranda iňlis dilini özleşdirdi we beýleki daşary ýurt dillerini öwrenmäge girişdi. Joşua geljekde neýrohirurg bolmagy maksat edinýär.