Güneşli Diýarymyzyň obasenagat toplumyny yzygiderli ösdürmek, öndürilýän oba hojalyk önümleriniň möçberlerini artdyrmak, netijede, ýurdumyzda azyk bolçulygyny üpjün etmek hormatly Prezidentimiziň hemişe üns merkezinde durýar.
Berkarar döwletiň täze eýýamynyň Galkynyşy döwrüniň belent wezipelerinden ruhlanýan daýhanlarymyz şu ýyl jemi 2 müň 900 gektara ýeralma ekip, şonça meýdandan 40 müň 600 tonna hasyl ýygnamagy meýilleşdirdiler. Şonça meýdanyň 1 müň 600 gektaryna ýazlyk ýeralma ekilip, ondan 22 müň 400 tonna hasyl ýygnalar.
Şu günler welaýatlarda dowam edýän möwsümleýin oba hojalyk işleriniň çäklerinde Ahal, Balkan, Lebap we Mary welaýatlarynda gowaça ekişi guramaçylykly alnyp barylýar. Şunuň bilen baglylykda, şu güne çenli jemi 19 müň 561 gektar meýdanda gowaça ekişiniň geçirildi. Ekişi bellenen agrotehniki möhletlerde we talabalaýyk geçirmek boýunça zerur işler edilýär. Daşoguz welaýatynda şu ýylyň 30-njy martynda gowaça ekişine başlamak göz öňünde tutulýar.
Häzirki wagtda ýurdumyzyň welaýatlarynda gallaçy daýhanlarymyz tarapyndan bugdaý meýdanlarynda ak ekinleri mineral dökünler bilen iýmitlendirmek, ösüş suwuny tutmak boýunça degişli işler dowam edýär.
Şeýle hem ilatymyzy özümizde öndürilen ýeralma we gök-bakja önümleri bilen üpjün etmek boýunça degişli işleriň alnyp barylýar, bu ugurda häzirki wagtda ýurdumyzyň welaýatlarynda ekilen 30 müň gektar ýazlyk ýeralma we 10 müň gektar sogana agrotehnikanyň kadalaryna laýyklykda ideg etmek hem-de beýleki gök-bakja ekinleriniň ekişini geçirmek işleri geçirilýär.
Ýurdumyzda daşky gurşawy gorap saklamak, ekologiýa abadançylygyny üpjün etmek we bagy-bossanlyga öwürmek boýunça maksatnamalaýyn işleriň durmuşa geçirilýändigini, şu ýylda ýurdumyzda saýaly, pürli, miweli baglaryň we üzümiň jemi 3 million düýp nahalyny ekmegiň meýilleşdirilýär.
Ministrlikler we pudaklaýyn dolandyryş edaralary, welaýatlaryň we Aşgabat şäheriniň häkimlikleri tarapyndan ýazky möwsümde meýilleşdirilen bag nahallaryny ekmek we olara ideg boýunça işler dowam etdirilýär.
Mundan başga-da, ýurdumyzda ýüpekçiligi ösdürmek boýunça döwlet derejesinde döredilen mümkinçiliklerden netijeli peýdalanylyp, şu ýyl Diýarymyzda jemi 2 müň 300 tonna pile öndürmegiň meýilleşdirilýär. Häzir ýurdumyzyň welaýatlarynda ýüpek gurçugynyň tohumlaryny taýýarlamak hem-de pile öndürijiler bilen şertnamalary baglaşmak boýunça degişli işler alnyp barylýar.
Begenç Goýunçyýew, S.A.Nyýazow adyndaky TOHU-nyň mugallymy.