Nobel baýragy boýunça komitet 2020-nji ýyl himiýa babatda Nobel baýragynyň ýeňijilerini mälim etdi. Bu baýraga Fransiýadan Emmanuel Şarpantýe hem-de ABŞ-dan Jennifer Daudne eýe boldy.
Nobel komitetiniň habaryna görä, alymlar bu baýraga “genomyň redaktirlemegiň usulyny ösdürendigi üçin” berildi. Alymlar haýwanlarda we adamlarda genleri redaktirlemek üçin ulanyp boljak “CRISPR-Cas9” ulgamyny tapdylar.
Taryhda ilkinji gezek himiýa boýunça Nobel baýragyny iki zenan alym birbada mynasyp boldy.
Nobel baýragynyň pul möçberi 2020-nji ýylda 1 million şwed kronyndan 10 million şwed kronyna (1.12 mln dollar) çenli artdyryldy.
Nobel baýragynyň ýeňijiler 5-nji oktýabrdan yglan edilip başlandy. Ilki bilen, lukmançylyk ugry boýunça Nobel baýragynyň ýeňijisi mälim edildi. Olar amerikaly Çarlz Raýs bilen Harwi Olter hem-de angliýaly Maýkl Houton boldy. Olar C gepatit wirusy boýunça açyş etdiler. Bu keseli bejermegiň we gan goýbermegiň üsti bilen ýaýramagynyň öňüni almaga kömek etdi.
6-njy oktýabrda fiziki boýunça Nobel baýragyna britaniýaly Rojer Penrouz, geman Reýnhard Gensel we amerikaly Andrea Gez gara deşigi öwrenmek boýunça geçirilen ylma işi babatda mynasyp boldular.
1901-nji ýyldan 2019-njy ýyla çenli himiýa boýunça Nobel baýragy 111 gezek gowşuryldy. Şu wagta çenli bu baýraga zenan alymlar 5 gezek mynasyp boldy.
Himiýa boýunça Nobel baýragyna iň köp amerikaly alymlar (66 alym) mynasyp boldy.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
