Žurnalist Salli Bazbi «The Washington Post» gazetiniň baş redaktory bolan ilkinji zenandyr. Bu barada gazetiň ýerine ýetiriji direktory Fred Raýan: «Salli Bazbiniň halkara habarlar guramasyna ýolbaşçylyk etmekde uly üstünlikleri we baý tejribesi bar» diýip, oňa ýokary baha berdi.
Bazbi 1988-nji ýyldan bäri «Associated Press» habarlar gullugynda habarçy, soň bolsa býuronyň başlygy bolup işleýär. 2017-nji ýylda ol habarlar gullugynyň baş redaktory wezipesine bellendi. Köp sanly gözlegleri ösdürmäge uly goşant goşan žurnalist 2019-njy ýylda «Associated Press» tarapyndan Ýemen söweşiniň beýany üçin «Pulitser» baýragyna eýe boldy.
Täze wezipesi barada Bazbiniň özi şeýle diýýär:
― «The Washington Post» gazeti sanly metbugatda öňdebaryjy žurnalistiki mirasy bolan gurama… Şeýle uly žurnalistleriň toparyna ýolbaşçylyk etmek buýsançdyr .
Ol şu ýylyň 1-nji iýunynda işe başlar we fewral aýynyň ahyrynda bu wezipeden aýrylan Marti Baronyň ornuny tutar. «Associated Press» habarlar gullugynda wise-prezident we dolandyryjy müdir Braýan Karowillano we wise-prezident Dewid Skott baş redaktoryň wezipelerini bölüp alar.