Hormatly Prezidentimiziň adyna Hindistan Respublikasynyň Premýer-ministri Narendra Modiden hat gelip gowuşdy. “Watan” habarlar gepleşiginde bellenilip geçilişi ýaly, Narendra Modi hormatly Prezidentimizi Hindistanyň Respublika gününiň baýramçylyk dabaralarynyň hormatly myhmany üçin Hindistana tüýs ýürekden çagyrdy.
Bu hatda hususan-da şeýle diýilýär.
– Hindistan bilen Türkmenistany däbe öwrülen taryhy-medeni gatnaşyklar baglanyşdyrýar. Maňa 2015-nji ýylda Siziň ýurduňyzda bolmak bagty miýesser etdi. 2010-njy ýylda Hindistana amala aşyran soňky saparyňyz Hindistanyň we Türkmenistanyň arasyndaky hyzmatdaşlygy has-da ösdürmek üçin mäkäm esas goýdy. 2019-njy ýylda ýola goýlan Hindistan-Merkezi Aziýa dialogynyň çäklerinde-de ikitaraplaýyn we sebit hyzmatdaşlygymyzyň gerimi giňedi. Ýetip gelýän 2022-nji ýyl Hindistan we Türkmenistan üçin şanly ýyllaryň birine öwrüler hem-de diplomatik gatnaşyklaryň ýola goýulmagynyň 30 ýyllygyna beslener. Onuň şu ýyl bellenýän taryhy senäniň Türkmenistanyň Garaşsyzlygynyň 30 ýyllygynyň yzysüre bellenmegi aýratyn ähmiýete eýe bolýar.
Geljek ýyl Hindistan üçin hem taryhy ýyllaryň biri bolar. Şonda biz ýurdumyzyň Garaşsyzlygynyň 75 ýyllygyny baýram ederis. Şol wakalary bellemek üçin men Sizi 2022-nji ýylyň 26-njy ýanwarynda Nýu-Deli şäherinde geçiriljek Respublikanyň gününiň baýramçylygyna hormatly myhman hökmünde Hindistana tüýs ýürekden çagyrmak isleýärin.
Respublikanyň gününiň hormatyna geçiriljek dabaraly ýörişe gatnaşmak üçin Siziň Ýaragly güýçleriňizden düzülen topary kabul etmek hem biz üçin uly hormat bolar.
ÃUNISEF Türkmenistana lukmanlar üçin ÅŸahsy gorag seriÅŸdelerini getirdi