UEFA-nyň Çempionlar ligasynyň 1/8 finalynyň jogap duşuşyklary geçirildi. Şol duşuşyklaryň esasylarynyň biri Germaniýada geçirildi. “Bawariýa” topary Messili we Mbappeli Fransiýanyň “PSŽ” toparyny kabul etdi.
Myhmançylykda 1:0 hasabynda ýeňiş gazanan nemes topary jogap duşuşygynda öz meýdançasynda hem “PSŽ” toparyny 2:0 hasabynda ýeňdi. Duşuşykda Şopa Moting we Serž Gnabri tapawutlandy.
Messi üçin bu duşuşyk özboluşlylygy bilen hem tapawutlandy. Ol Çempionlar ligasynda 150-nji duşuşygyň ilkinji minutlaryndan meýdança çykdy.
Muňa garamazdan, şowsuzlyga uçran Messi 3-nji gezek Çempionlar ligasynda 1/8 finaldan yzyna gadýar.
Çempionlar ligasynyň beýleki duşuşygynda Londonyň “Tottenhem” topary Italiýanyň “Milan” toparyny kabul etdi. Duşuşyk 0:0 hasabynda tamamlandy. Birinji duşuşykda 1:0 hasabynda ýeňiş gazanan “Milan” topary 2012-nji ýyldan soňra Çempionlar ligasynyň 1/4 finalyna çykmagy başardy.