Şu günler ýurdumyzyň hem-de daşary ýurtlaryň köpçülikleýin habar beriş serişdeleriniň metbugat sahypalaryny Arkadag şäherinde geçiriljek halkara kinofestiwaly bezeýär. Bu festiwala Türkiýäniň iň bir meşhur aktýorlarynyň geljekdigi baradaky habarlar köpleri begendirdi.
Türkiýäniň «Bozdag group» kinokompaniýasynyň başlygy, meşhur kinorežissýor, prodýuser hem senarist Mehmet Bozdagyň surata düşürýän “Kuruluş Osman” serialynyň esasy gahrymanlary Burak Özçiwit, Özjan Çagry Şensoý, Fatih Aýhan, Ýigit Uçan, Murat Bonjukçu ýaly sungat ussatlary ýurdumyzda saparda bolarlar.
“Arkadagyň säheri” atly film festiwalyna gatnaşjak doganlyk Tükriýäniň kinokompaniýasynyň wekilleri özleriniň jemgyýetçilik torlarynda bu möhüm sungat forumyna gatnaşjakdyklaryny mälim etdiler.
Meşhur kinorežissýor, prodýuser hem senarist Mehmet Bozdag “Kuruluş Osman” serialynyň aktýorlaryndan ybarat bolan fotosuraty öz jemgyýetçilik torunda paýlaşdy. Şeýle hem ol jemgyýetçilik torunda Arkadag şäherinde geçiriljek festiwalyň adyny hem-de wagtyny görkezipdir.
Bozdag bu surat bilen “Türkmen halkyna özümiň çuňňur hormatyny bildirýärin” diýen ýazgy hem ýerleşdiripdir.
Serialda surata düşýän sungat ussatlary hem bu suraty öz jemgyýetçilik torunda paýlaşyp, köp sanly türk doganlarymyzy ýurdumyzda geçiriljek film festiwaly barada habarly etdi.
Arkadag şäherindäki film festiwalyna gatnaşjak türk sungat ussatlary şol bir wagtda Mary welaýatynda bolup, Beýik Seljuklar döwletiniň dörän ilkinji mekany bolan Gadymy Merw topragyndaky saklanyp galan taryhy-medeni ýadyrgärlikler toplumyna hem aýlnyp görmegi meýilleşdirilýär.
Türkiýe myhmanlar üçin «Galkynyş» milli at üstündäki oýunlar toparynyň çykyşlary hem guralar.