Ady rowaýata öwrülen “Marakana” stadiony ýakyn wagtda täze ada eýe bolar. Ýurduň Rio-de-Žaneýro ştatynyň kanun çykaryjy edarasy stadiona Braziliýanyň we “Santos” toparynyň öňki hüjümçisi Peläniň adyny dakmak üçin geçirilen ses berişlikden soňra degişli çözgüt kabul etdiler.
Stadion “Edson Arantis du Nasimentu – şa Pele” diýlip atlandyrylar. Geçen ýyl 80 ýaşan dünýäniň futbolynyň ady rowaýata öwrülen futbolçysy Pele köp gezek “Marakana” stadionynda çykyş etdi. Bu ýerde 1969-njy ýylda “Santos” bilen “Wasko da Gama” toparlarynyň arasyndaky duşuşykda özüniň 1000-nji goluny geçirdi.
Mundan ozal, “Marakana” stadiony “Žurnalişta Mariu Filýu” diýlip atlandyrylýardy.
Pele Braziliýanyň milli ýygyndysynyň düzümi bilen 3 gezek dünýäniň çempiony boldy.