Niderlandlar Patyşalygynyň futbolynyň meşhur ýyldyzy Klarens Zeedorf yslam dinini kabul edendigini mälim etdi. Bu barada köp sanly metbugat gulluklary habar berýär.
4 gezek dürli topar bilen Çempionlar ligasynyň kubogyny gazanan 45 ýaşyndaky Zeedorf “Instagram” jemgyýetçilik torundaky hasabynda yslam dinini kabul edendigi barada beýanat berdi.
– Musulman maşgalasyna goşulandygym baradaky kararymdan soňra gelen habarnamalar üçin minnetdarlyk bildirýärin. Hususan-da, yslam dininiň çuňňur manysyny maňa düşündiren aýalym Sofiýa aýratyn minnetdarlyk bildirýärin. Men adymy üýtgetmedim, ozalky adymy göterýärin. Dünýädäki ähli adamlara öz söýgimi ýollaýaryn – diýip, ozalky futbolçy belläp geçýär.
Klarens Zeedorf futbol oýnan döwründe “Aýaks”, “Milan”, “Real Madrid” we “Inter” ýaly toparlarda çykyş etdi. Ol 4 gezek Çempionlar ligasynyň kubogyny gazandy hem-de Ispaniýada we Italiýada çempion boldy.
Türkmenistan-Germaniýa: diplomatik gatnaşyklaryň 30-njy ýyly