Saud Arabystany Patyşalygynyň Jidde şäherinde Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň sammiti geçirildi. Oňa Türkmenistanyň Prezidenti hem gatnaşdy.
Saud Arabystany Patyşalygynyň Saud Arabystany Patyşalygynyň Mirasdüşer Şazadasy, Premýer-ministri Mohammed bin Salman bin Abdelaziz Al Saudyň başlyklyk etmeginde geçirilen sammite şu döwlet we hökümet ýolbaşçylary gatnaşdy:
• Gazagystanyň Prezidenti Kasym-Žomart Tokaýew
• Gyrgyzystanyň Prezidenti Sadyr Žaparow
• Täjigistanyň Prezidenti Emomali Rahmon
• Özbegistanyň Prezidenti Şawkat Mirziýoýew
• Katar Döwletiniň Emiri Şeýh Tamim bin Hamad Al Tani
• Birleşen Arap Emirlikleriniň Premýer-ministri Şeýh Muhammed bin Raşid Al Maktum
• Kuweýt Döwletiniň Mirasdüşer şazadasy, Emiriň orunbasary Şeýh Mişal al-Ahmed al-Jaber al-Sabah
• Oman Soltanlygynyň Premýer-ministriniň orunbasary Şeýh Asad bin Tarik Al Said
• Bahreýn Patyşasynyň ýörite wekili Şeýh Naser bin Hamad Al Halifa
• Geňeşiň baş sekretary Jasim Muhammet al-Budaýwi.
Bu ýokary derejedäki duşuşykda Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň indiki sammitini 2025-nji ýylda Özbegistanyň Samarkant şäherinde guramak meýilleşdirildi.
Şeýle hem şu ýylyň dördünji çärýeginde Saud Arabystany Patyşalygynda Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Maýa goýum forumyny guramak boýunça ylalaşyldy.
Mälim bolşy ýaly, Türkmenistanyň Prezidenti 2024-nji ýylda şeýle forumy Türkmenistanda geçirmegi teklip etdi.