Merkezi Aziýa döwletleriniň Baştutanlarynyň bäşinji konsultatiw duşuşygynyň jemleri boýunça Täjigistanyň daşary işler ministri Sirojiddin Muhriddin metbugat ýygnagyny geçirdi. Täjigistanyň daşary syýasat edarasynyň ýolbaşçysy 2024-nji ýylda Merkezi Aziýa döwletleriniň Baştutanlarynyň 6-njy konsultatiw duşuşygynyň Gazagystanda geçiriljekdigini belledi.
Ministr şu günki duşuşykda sebitiň Liderleri söwda-ykdysady hyzmatdaşlygy ösdürmek, söwda we maýa goýumlar üçin amaltly şertleri döretmek, sebitiň ýurtlarynyň arasynda özara hasaplaşyklarda milli pul birlikleriniň paýyny kem-kemden artdyrmak boýunça hyzmatdaşlygy ýola goýmak mümkinçiligini seretmek babatda pikir alşandyklaryny belledi.
Şeýle hem ministr esasan hem senagat we senagat korporasiýasy boýunça hyzmatdaşlygy işjeňleşdirmegiň zerurdygyny belländiklerini mälim etdi. Mundan başga-da, Merkezi Aziýada üstaşyr mümkinçilikleri netijeli peýdalanmagy artdyrmaga üns bermek babatda degişli ýolbaşçylara tabşyryklaryň berlendigi aýdyldy.
Täjigistanyň daşary syýasat edarasynyň ýolbaşçysy döwlet Baştutanlarynyň Gazagystanyň Prezidenti Kasym-Žomart Tokaýewiň 2024-nji ýylda Merkezi Aziýa döwletleriniň Baştutanlarynyň 6-njy konsultatiw duşuşygynyň Gazagystanda geçirmek baradaky teklibini tassyklandyklaryny belledi.