Şu ýylyň tomsunda Ispaniýanyň “Real Madrid” toparynyň düzümine goşulan Kilian Mbappe bu topar bilen ilkinji kubogyny gazandy. Düýn Polşanyň paýtagty Warşawa şäheriniň 60 müň orunlyk stadionynda UEFA-nyň Superkubogy almak ugrundaky duşuşyk geçirildi.
Onda geçen möwsümiň Çempionlar ligasynyň çempiony “Real Madrid” bilen Ýewropa ligasynyň kubogyny gazanan Italiýanyň “Atalanta” topary duşuşdy. Duşuşyk 2:0 hasabynda ispan toparynyň peýdasyna tamamlandy.
Kilian Mbappe we Federiko Walwerdeniň geçiren gollary bilen ýeňiş gazanan “Real Madrid” topary 6-njy gezek UEFA-nyň Superkubogyny gazandy. Şeýlelikde, bu kubogy ozal 5 gezek gazanan Ispaniýanyň “Barselona” we Italiýanyň “Milan” toparlaryndan öňe saýlandy.
“Real Madrid” toparynyň italýan tälimçisi Karlo Ançelotti bolsa, bu topar bilen 14-nji kubogyny gazandy.